تمہارا بھی وہی حشر کریں گے جو بینظیر بھٹو کا ہوا تھا ، پاکستان کی ایک اور قابل فخر بیٹی کو دھمکی دے دی گئی

کراچی (نیوز ڈیسک) ڈپٹی سپیکر شہلا رضا کو پھر سے دھمکی آمیز خط موصول ہوا ہے جس میں ان سے50 کروڑ روپے بھتہ طلب کیا گیا ہے ۔تفصیلات کے مطابق سندھ اسمبلی میں ڈپٹی سپیکر اور پاکستان پیپلز پارٹی کی رہنما شہلا رضا کو نامعلوم افراد کی جانب سے ایک دھمکی آمیز خط موصول ہوا ہے ۔ شہلا رضا نے خبر کی تصدیق کرتے ہوئے کہا ہے کہ انہیں آج صبح دھمکی آمیز خط ملا ہے جس میں ان سے 50کرو ڑ روپے بھتہ طلب کیا گیا ہے بصورت دیگر انہیں قتل کرنے اور سندھ اسمبلی کو اڑانے کی دھمکی بھی دی گئی ہے ۔انکا مزیدکہنا ہے کہ خط سیٹلائٹ ٹاﺅن راولپنڈی سے پوسٹ کیا گیا ہے جس میں چار مختلف افراد کے نام اور موبائل فون نمبر بھی درج ہیں جبکہ دھمکی دیتے ہوئے لکھا گیا ہے کہ بھتہ نہ دینے کی صورت میں میرا خشر بھی وہی کیا جائے گا جو بینظیر بھٹو کا خشر کیا گیا تھا ۔ انہوں نے خط کے حوالے سے ڈی جی رینجرز اور پولیس کے علاوہ دیگر قانون نافذ کرنے والے اداروں کو بھی آگاہ کر دیا ہے ۔ (ب،ع)