پاکستان مودی کو مداخلت بند کرنے کیلئے وارننگ دے, پرویز مشرف

لندن ((نیوزڈیسک) سابق صدرپرویزمشرف نے ایک نجی ٹی وی چینل کوخصوصی انٹرویودیتے ہوئے کہاکہ  بھارت میں علیحدگی کی تحریکوں کی حمایت کرنی چاہیے اور پاکستان مودی کو مداخلت بند کرنے کیلئے وارننگ دے۔ ان کا مزید کہنا تھا پاکستان کے خلاف بات کرنیوالے کے خلاف کاروائی ہونی چاہئے اور پاکستان کو بُرا بھلا کہنے والا چاہئے برطانیہ میں ہو یا امریکہ میں یا پھر پاکستان کی قومی اسمبلی میں بیٹھا ہو اس کے خلاف بلا تفریق کاروائی ہونی چاہے۔ ان کا کہنا تھا کہ پاکستان میں کوئی نظام کام نہیں کر رہا جبکہ کوئی فارن پالیسی نہ ہونے کی وجہ سے پاکستان دنیا میں تنہا ہو رہا ہے۔ جنرل پرویز مشرف کا کہنا تھا کہ جنرل راحیل شریف کی مدت ملازمت میں توسیع ہونی چاہے تاکہ جو کام وہ کر رہے ہیں وہ ایسے ہی جاری رہ سکے۔ ۔انہوں نے کہاکہ حکومت وزیرخارجہ کی ضرورت ہے جوکہ وفاقی حکومت نے اپنی ساڑھے تین سال کی مدت میں بھی نہیں لگایاہے ۔وفاقی حکومت کوکھل کربھارت کوجواب دیناہوگا۔